விழிகளின் பயணம்!



விழிகளை வானம் ஏமாற்றிக்கொண்டிருக்க
நீலத்தை நோக்கி பயணிக்க தொடங்கின பார்வைகள்;
வரையறுக்கப்படாத இலக்கின் தூரம்
மெல்லமெல்ல நீண்டுக்கொண்டே
வண்ணங்கள் ஏதுமில்லா காட்சிப்பிழையாய்
சிதறிக்கிடந்த நீலமெல்லாம் நீர்த்துக் கொண்டிருந்தன;
பார்வைகள் விசாலமாய் பரந்து விரிய
பழைய படிப்பினைகளெல்லாம் படிக்கட்டுகளாய்
புதிய பரிமாணத்தோடு வெளியெங்கும் பரிணமித்திருந்தன;
கனவுகளை காட்சிகளாய் வடிகட்டி
கணக்கிட தெரிந்த விழிகளும்
வெகுநேரமாய் இலக்கை துலாவிக் கொண்டிருந்தன;
தேடலே வாழ்வியல் ரகசியமென்பதை 

இன்னமும் அது புரிந்து கொள்ளவில்லை!

- இரா.ச.இமலாதித்தன்

Post a Comment

3 கருத்துகள்:

பெயரில்லா சொன்னது…

கனவுகளை காட்சிகளாய் வடிகட்டி
கணக்கிட த் தெரிந்த விழிகளும்
வெகு நேரமாய் இலக்கை துலாவித் துலாவிப் பார்த்தேன்.

கண்ணுக்குள் கண்ணாக காணக்கிடைத்தது.
தேடலே வாழ்வியல் ரகசியம்,
ஆம்,
தேடினாலும் தேடலே விடையாய்த் தேடிவருகிறது.

அன்பன்
கி.காளைராசன்

திண்டுக்கல் தனபாலன் சொன்னது…

நல்லா இருக்குங்க !

putthan சொன்னது…

நல்லாய்யிருக்கின்றது தொடருங்கள் .....யாழ்புத்தன்

கருத்துரையிடுக