சிரிப்பின் சாவி!

வாட்சப் டீப்பியாக
கல்லூரிக்கால நண்பர்களெல்லாம்
தங்களது குழந்தைகளை வைத்திருக்க...இவனோ
ஃபேஸ்புக்கில் குழந்தைப்படம் வைத்திருக்கும்
பெண் பெயரிலுள்ள ஏதொவொரு ஃபேக் ஐடிக்கு
நட்பு விண்ணப்பம் அனுப்பி கொண்டிருக்கின்றான்.
எந்த வருடமென்ற
நினைவிலிள்ளாத நாளொன்றில் எடுக்கப்பட்ட
சிரித்துக்கொண்டிருக்கும் இவனது படமே
இதுநாள் வரை
இவனது டீப்பியாக இருந்து கொண்டிருக்க;
கடைசியாக சிரித்த அப்படியொரு சிரிப்பு
இனி எப்போது வருமென
அவன் உட்பட யாருக்குமிங்கே தெரிய போவதில்லை.

ஒருவேளை
அவனது திருமணத்தின் போது போட்டோகிராஃபருக்காக
இந்த புத்தனும் சிரிக்க வாய்ப்பிருக்கிறது;
அதற்கு பின்னாலும்
இதுபோல தன்னை மறந்து சிரிப்பானா என்பதே
கேள்விக்குறி தான்...
காரணமெல்லாம் பெரிதாய் ஒன்றுமில்லை;
மனைவியாக வரப்போகிற
யாரோவொருத்தியிடம் தானே இருக்க போகிறது
இவனது சிரிப்பின் சாவி!
அழத்தெரிந்த மனைவியிடம்
சிரிப்பது அவ்வளவு எளிதாயென்ன?
இப்போதே சிரித்து விடுயென
பிரபஞ்ச குரலொன்று
இவனுக்குள் ஒலித்து கொண்டிருக்கிறது;
இப்போது இவன் யோசித்து கொண்டிருக்கிறான்
திருமணம் செய்ய வேண்டுமாயென்று!?

- இரா.ச.இமலாதித்தன்